Immigration of Daily wagers

Kiski galti hai kiski nahi
Ye kaun hi Jane hai kaun nahi
Bas aankho me aansu liye badh chale hain ye log
Sar par gathri hai bhaari par hai pet to bilkul khali
na pair me chappal hai na sar par chat
Kaha chale hain ye sab bebas
Kya taak lagaye baitha hai koi
Kya manzil par milne wala hai koi
Aise sawaalo ka hai jawab na koi
Par fir bhi badhte chale hain ye log
Na beemari ka hai dar inko koi
Paidal hi nikal chale hain ye log
Hazaaro meelo ka ye safar tai kar paayenge bhi ya nahi
Na pata hai kisiko ye par chal pade hain  ye log